اسلام آباد – 31 آڪٽوبر (اي پي پي) وزيراعظم عمران خان خيبرپختونخواهه جي باراني علائقن ۾ پاڻي جي بچت ۽ ننڍن ڊيمن جي تعمير جي لاءِ نيشنل فوڊ سيڪيورٽي اينڊ ريسرچ واري وزارت کي ڪم شروع ڪرڻ جي هدايت ڪئي آهي. وزيراعظم آفيس ۾ ان حوالي سان وزيراعظم جي صدارت ۾ هڪ اجلاس ٿيو جنهن ۾ وزيراعظم نيشنل فوڊ سيڪيورٽي اينڊ ريسرچ واري وزارت کي 9 ملين ايڪڙ فوٽ پاڻي جي بهتر استعمال جي لاءِ ٽن منصوبن تي ڪم شروع ڪرڻ جي هدايت ڪئي.