اسلام آباد – 22 سيپٽمبر (اي پي پي) صدر ممنون حسين چيو آهي ته تعليمي شعبي کي هن دور جي گهرجن سان هم آهنگ ڪرڻ جي لاءِ ڪارپوريٽ سيڪٽر پنهنجي مشاهدن ۽ تجربن کي استعمال ۾ آڻي ۽ يونيورسٽيون حقيقي ترقي جي لاءِ اطلاقي تحقيق تي ڌيان ڏين ته جيئن مستقبل ۾ رونما ٿيندڙ تيز رفتار ترقي جو ساٿ ڏئي سگهجي. صدر ممنون حسين اها ڳالهه ايوان صدر ۾ انسٽيٽيوٽ آف بزنس ايڊمنسٽريشن (آءِ بي اي) جي اڳوڻن شاگردن ۽ شاگردياڻين جي اعزاز ۾ ڏنل هڪ تقريب کي خطاب ڪندي ڪئي.
