اسلام آباد – 19 فيبروري (اي پي پي) رائل ملائيشين نيوي جي چيف ايڊمرل تان سري احمد قمرالزمان حاجي احمد بدرالدين نيول هيڊڪوارٽر اسلام آباد جو دورو ڪري پاڪ بحريه جي سربراهه ايڊمرل طفر محمود عباسي سان ملاقات ڪئي. نيول هيڊڪوارٽر اچڻ تي پاڪ بحريه جي سربراهه رائل ملائيشين نيوي جي چيف جو استقبال ڪيو. پاڪ بحريه جي دستي معزز مهمان کي سلامي پيش ڪئي. سلامي کانپوءِ معزز مهمان جو نيول هيڊڪوارٽر ۾ مقرر پرنسپل اسٽاف آفيسرز سان تعارف ڪرايو ويو. بعد ۾ رائل ملائيشين نيوي جي چيف ايڊمرل تان سري احمد قمرالزمان حاجي احمد بدرالدين پاڪ بحريه جي سربراهه سان ملاقات ڪئي.