اسلام آباد – 26 جنوري (اي پي پي) قومي اسيمبلي جي اسپيڪر سردار اياز صادق پاڪستان ۽ انڊونيشيا جي وچ ۾ تاريخي لاڳاپن کي وڌيڪ مستحڪم ڪرڻ جي ضرورت تي زور ڏيندي چيو آهي ته ٻئي ملڪ خطي سميت دنيا ۾ امن قائم ڪرڻ لاءِ ڪردار ادا ڪرڻ سان گڏوگڏ واپار، معيشت، ثقافت ۽ پائيدار امن جي حوالي سان موجوده لاڳاپن کي شراڪتداري ۾ بدلائي رهيا آهن، عوامي سطح تي رابطن جي فروغ ۾ ٻئي قومون وڌيڪ ويجهو اينديون. پارليامينٽ جي گڏيل اجلاس کي خطاب جي لاءِ انڊونيشيا جي صدر جي پارليامينٽ آمد تي سندس آجيان ڪندي هن چيو ته دهشتگردي ۽ انتهاپسندي اسان جي گڏيل دشمن آهي، اسان جون ٻئي قومون گهري تاريخي، مذهبي ۽ ثقافتي رشتن ۾ ٻڌل آهن.
