اسلام آباد – 10 جولاءِ (اي پي پي) صدر ممنون حسين چيو آهي ته دنيا تيز رفتار تبديلين جي زد ۾ آهي جن سان پاڻ کي هم آهنگ ڪرڻ جي لاءِ پاڪستاني شاگرد محنت ڪن ته جيئن ملڪ ترقي ڪري عالمي دنيا ۾ حقيقي مقام حاصل ڪري سگهي. صدر اها ڳالهه حبيب پبلڪ اسڪول ڪراچي جي شاگردن جي هڪ وفد سان ڳالهائيندي چئي. ان موقعي تي صدر کي حبيب پبلڪ اسڪول جي يادگاري شيلڊ پڻ ڏني وئي. صدر چيو ته تحقيق تي ڌيان ڏيڻ کانسواءِ دنيا جي ڪا قوم ترقي نٿي ڪري سگهي، ان لاءِ نوجوان زندگي جي مختلف شعبن ۾ تحقيق کي پنهنجو شعار بڻائين.
