اسلام آباد – 08 جولاءِ (اي پي پي) وزيراعظم محمد نواز شريف چيو آهي ته عبدالستار ايڌي مرحوم پنهنجي عمل سان ثابت ڪيو آهي ته انسانيت جو احترام هر مذهب جو بنياد آهي. ايڌي جي پهرين ورسيءَ جي حوالي سان وزيراعظم چيو ته ايڌي جي ياد ملهائيندي ضروري آهي ته اسان ان جي ڪردار کي آڏو رکون ۽ اهي خوبيون پيدا ڪريون جيڪي ايڌي صاحب ۾ هيون. عبدالستار ايڌي جي ورسيءَ جي موقعي تي وزيراعظم محمد نواز شريف مرحوم کي خراج عقيدت پيش ڪندي چيو ته عبدالستار ايڌي جهڙا ماڻهو رڳو ملڪ ۽ قوم جو نه پر پوري انسانيت جو سرمايو هوندا آهن.
