لاهور – 21 مئي (اي پي پي) پنجاب جي وڏي وزير محمد شهباز شريف سان اطلاعات ۽ نشريات واري مملڪتي وزير مريم اورنگزيب ملاقات ڪئي. ملاقات ۾ قومي ثقافت جي فروغ، ملڪي تشخص ۽ قومي ورثي جي بحالي جي لاءِ هڪ ٺوس حڪمت عملي جوڙڻ تي غور ۽ ان ڳالهه تي اتفاق ڪيو ويو ته نوجوان نسل جي قومي ورثي ۽ ثقافت کان آگاهي ضروري آهي، عدم برداشت ۽ انتهاپسندي جو مقابلو فن ۽ ثقافت جي فروغ ۽ ورثي جي تحفظ ڪرڻ تي غور کانسواءِ قومي ورثي جي تحفظ ۽ ثقافت جي فروغ جي لاءِ ٺوس حڪمت عملي جوڙڻ تي اتفاق ڪيو ويو. اطلاعات ۽ نشريات واري مملڪتي وزير پنجاب جي عوام جي ترقي ۽ خوشحالي جي لاءِ بي مثال قدمن تي وڏي وزير جي ڪارڪردگي ۽ ويزن کي ساراهيندي چيو ته توهان جي اڻٿڪ محنت ۽ شاندار ويزن کي پاڪستان سميت ٻاهرئين دنيا ۾ به ساراهيو وڃي ٿو.
