اسلام آباد – 05 اپريل (اي پي پي) پرڏيهي صلاحڪار سرتاج عزيز چيو آهي ته پاڪستان افغانستان سان لاڳاپا مستحڪم ڪرڻ جي پاليسي تي عمل ڪري رهيو آهي، ٻنهي ملڪن جي عوام جي وچ ۾ رابطن ۾ اضافي لاءِ پاڪستان ويزا سسٽم کي جديد بڻائڻ ۽ بارڊر ڪراسنگ پوائنٽس تي سهولتن جي فراهمي تي ڪم ڪري رهيو آهي. اهڙن خيالن جو اظهار هن قومي اسيمبلي جي پرڏيهي معاملن بابت اسٽينڊنگ ڪميٽي کي بريفنگ ڏيندي ڪيو. پرڏيهي صلاحڪار ڪميٽي کي آگاهه ڪندي چيو ته ٻنهي ملڪن جي وچ ۾ ثقافتي ۽ تعليمي رابطن کي وڌيڪ مستحڪم ڪرڻ جي لاءِ حڪومت پاڪستان ۾ تعليمي ادارن ۾ افغان شاگردن جي لاءِ سهولتن ۾ اضافي تي پڻ ڌيان ڏئي رهي آهي.
