اسلام آباد – 04 اپريل (اي پي پي) صدر ممنون حسين چيو آهي ته پاڪستان ۾ سيڙپڪاري جا بهترين موقعا موجود آهن جن مان فرانس جا سيڙپڪار فائدو کڻي سگهن ٿا. هن اها ڳالهه ايوان صدر ۾ پاڪستان فرانس بزنس ڪائونسل جي چيئرمين ٿائري فلم لين جي سربراهي ۾ فرانسيسي وفد سان ملاقات دوران چئي. ان موقعي تي فرانس جو سفير، اعليٰ عملدار ۽ فرانس جي 16 وڏين سيڙپڪار ڪمپنين جا نمائندا شامل هئا. صدر چيو ته دهشتگردي پاڪستان کي تمام گهڻو نقصان پهچايو پر هاڻي صورتحال تبديل ٿي چڪي آهي. هن چيو ته حڪومت ۽ سيڪيورٽي فورسز جي بهتري حڪمت عملي سبب انتهائي گهٽ مدي ۾ دهشتگردي تي مڪمل ضابطو آندو ويو آهي.
