اسلام آباد – 03 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان ۽ تحريڪ انصاف کي ادارن جي تذليل ۽ انهن کي دٻاءُ ۾ آڻڻ کان پاسو ڪرڻ گهرجي. نجي ٽي وي چينل سان ڳالهائيندي مملڪتي وزير چيو ته تحريڪ انصاف جي پارٽي فنڊنگ ۽ پي ٽي آءِ جي خلاف توهين عدالت ڪيس جي اليڪشن ڪميشن ۾ ٻڌڻي ٿي ۽ ان دوران عمران خان جي وڪيل انور منصور هڪ ڀيرو ٻيهر اليڪشن جي ٻڌڻي جي دائري کي چئيلنج ڪيو آهي.
