اسلام آباد – 23 مارچ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته يوم پاڪستان پريڊ پاڪستان جي دفاع سياسي نظرياتي ۽ معاشي استحڪام ۽ ترقي جي روشن علامت جو ڏينهن آهي، پريڊ ۾ دوست ملڪن جي شرڪت پوري پاڪستاني قوم لاءِ اعزاز، افتخار ۽ ڪامياب پرڏيهي پاليسي جو واضح دليل هئي، وزيراعظم نواز شريف جي قيادت ۾ پاڪستان جي پرڏيهي پاليسي نئين مسرتن سان همڪنار آهي، اسان کي اڪيلو ڪرڻ جو خواب ڏسندڙ پاڻ اڪيلا ٿيندا پيا وڃن، محب وطن ۽ پرعزم قيادت سبب هر ايندڙ ڏينهن پهرين کان وڌيڪ شاندار هوندو. پنهنجي بيان ۾ هن چيو ته 23 مارچ جي پريڊ اسلامي جمهوريه پاڪستان جي دفاع سياسي نظرياتي ۽ معاشي استحڪام ۽ ترقي جي روشن علامت جو ڏينهن هُئي، هن چيو ته پريڊ ۾ خاص طور تي دوست ملڪن سعودي عرب، ترڪي، ڏکڻ آفريقا ۽ عوامي جمهوريه چين جي فوجي دستن جي پهريون ڀيرو شرڪت پوري پاڪستاني قوم جي لاءِ اعزاز ۽ خوشي جي ڳالهه هئي ۽ ڪامياب پرڏيهي پاليسي جو واضح دليل هئي.
