اسلام آباد – 11 مارچ (اي پي پي) پرڏيهي صلاحڪار سرتاج عزيز چيو آهي ته پاڪستان ۽ آذربائيجان جي وچ ۾ خوشگوار لاڳاپا قائم آهن، باڪو ۽ اسلام آباد جي وچ ۾ فوجي ۽ فني تعاون ٻه طرفي لاڳاپن جو اهم جزو آهي. آذربائيجان جي مشهور ميگزين آذري ڊاٽ ٽو ڊي کي انٽرويو ڏيندي تازي ايڪو سربراهه اجلاس بابت هڪ سوال جو جواب ڏيندي پرڏيهي صلاحڪار چيو ته ايڪو سربراهه اجلاس انتهائي ڪامياب رهيو، اجلاس علائقائي استحڪام ۽ ترقي لاءِ اسان جي اجتماعي خواهش کي اجاگر ڪيو آهي، ان اجلاس اسان کي خطي لاءِ خوشحالي ۽ ترقي جي اسان جي عزم جو ورجاءُ ڪرڻ جو موقعو به فراهم ڪيو.
