اسلام آباد – 06 آڪٽوبر (اي پي پي) وزيراعظم محمد نواز شريف پاڪستان مان غربت جي خاتمي ۽ غذائي تحفظ لاءِ صحت واري عالمي اداري خوراڪ ۽ زراعت (ايف اي او) جي خدمتن کي ساراهندي چيو آهي ته عارضي طور تي لڏپلاڻ ڪندڙ ماڻهن لاءِ هنگامي امداد ۽ بحالي ۾ مدد جي حوالي سان ايف اي او جو ڪردار واکاڻ جوڳو آهي. هن اها ڳالهه ايف اي او جي ڊائريڪٽر جنرل جوزي گرازيا نيوڊيسلوا سان خميس ڏينهن وزيراعظم هائوس ۾ ڳالهائيندي چئي. وزيراعظم پاڪستان ۾ پائيدار روزگار ۽ ٻهراڙي جي ترقي واري اداري جي قدمن جي واکاڻ ڪندي چيو ته آفت سٽل علائقن ۾ اداري جي روزگار جو پروگرام به تحسين لائق آهي.
