اسلام آباد – 05 آڪٽوبر (اي پي پي) وزيراعظم محمد نواز شريف پاڪستان ۽ بيلاروس جي وچ ۾ ڪاروباري ۽ واپاري موقعن مان ڀرپور فائدو کڻڻ جي ضرورت تي زور ڏيندي ان ڳالهه کي اجاگر ڪيو آهي ته ايندڙ چئن سالن ۾ ٻه طرفي واپاري ماپي کي 50 ملين ڊالر کان هڪ ارب ڊالر تائين وڌائڻ لاءِ ڪوششون ڪيون وڃن. هن اها ڳالهه بيلاروس جي صدر اليگزينڊر لوڪا شنڪو سان وزيراعظم هائوس ۾ نويڪلائي ۾ ملاقات ۾ چئي. وزيراعظم چيو ته اسان کي ٽيڪسٽائيل، زرعي ساز ۽ سامان ۽ مصنوعات، ڳري مشينري ،دوا سازي ۽ گاڏين جي شعبن ۾ گڏيل منصوبن ۽ ڪاروباري سطح تي رابطن کي حوصلا افزائي جي ضرورت آهي.
