اسلام آباد – 30 سيپٽمبر (اي پي پي) اطلاعات ۽ نشريات ۽ قومي ورثي واري وفاقي وزير سينيٽر پرويز رشيد چيو آهي ته وزيراعظم محمد نواز شريف جي موجودگي ۾ پاڪستان جي استحڪام کي ڪو به نقصان نٿو پهچائي سگهي، هن ملڪي دفاع کي فتح نه ٿيڻ جوڳو بڻائي ڇڏيو آهي. ڪشمير مسئلي تي پاڪستان ۽ ڀارت ۾ جنگيون به وڙهيون ويون پر ڀارت کي ان مسئلي جي حل جي لاءِ راضي نه ڪري سگهيو، 1997ع ۾ جڏهن وزيراعظم محمد نواز شريف اقتدار سنڀاليو ته کيس ان وقت جي ڀارتي وزيراعظم اٽل بهاري واجپائي کي پاڪستان گهرايو ۽ مينار پاڪستان گرائونڊ ۾ ڀارتي وزيراعظم اٽل بهاري واجپائي نه رڳو ڪشمير مسئلي جي حل جي لاءِ راضپو ظاهر ڪيو پر هي به چيو ته آئون پاڪستان جي حقيقت کي به تسليم ڪريان ٿو، ان وقت ڀارتي وزيراعظم کي ڪشمير مسئلي جي راءِ راضي ڪندڙ شخص ڪيو ٻيو نه پر اسان سڀني جو وزيراعظم محمد نواز شريف ئي آهي، اٽل بهاري واجپائي ان وقت هي چيو ته ايندڙ سالن ۾ ڪشمير مسئلي کي ضرور حل ڪندس ته جيئن ٻنهي ملڪن جي عوام کي جنگين ۽ نفرتن کان بچائي سگهجي.
