مملڪتي وزير بلال اظهر ڪياني جي شهيد اهلڪار نويد افضل جي گهرڀاتين سان تعزيت ۽ فاتحه خواني

اسلام آباد- 26 آڪٽوبر (اي پي پي) ناڻي بابت مملڪتي وزير بلال اظهر ڪياني سومر ڏينهن جهلم ۾ فرضن جي ادائيگي دوران حادثي ۾ شهيد ٿيل ايليٽ فورس جي اهلڪار نويد افضل جي گهر وڃي ڪٽنب سان تعزيت ۽ فاتحه خواني ڪئي. سومر ڏينهن جاري بيان مطابق مملڪتي وزير شهيد جي ڪٽنب سان مليو ۽ شهيد جي درجن جي بلندي ۽ گهرڀاتين لاءِ صبر جي دعا ڪئي. مملڪتي وزير حادثي ۾ زخمي پوليس اهلڪار فائق سان به ملاقات ڪئي ۽ سندس جلد صحتيابي لاءِ دعا ڪئي.