گوگل پاران ڊولپرز ۽ ڪاروباري ادارن لاءِ جيمنائي 4 آرگن اي آءِ ماڊل متعارف

واشنگٽن -14 آڪٽوبر (اي پي پي) الفابيٽ جي ذيلي ڪمپني گوگل سڄي دنيا ۾ ڊولپرز ۽ ڪاروباري ادارن لاءِ پنهنجي مصنوعي ذهانت جو ماڊل جيمنائي 4 آرگن متعارف ڪرايو آهي. پرڏيهي ميڊيا گوگل جي حوالي سان ٻڌايو ته اهو ماڊل پيچيده ۽ ڪيترن ئي مرحلن تي ٻڌل ڪم انجام ڏيڻ جي صلاحيت رکي ٿو ۽ ان کي خاص طور تي گهري تجزيي ۽ ڏکين ڪمن لاءِ تيار ڪيو ويو آهي. ان جي استعمال جي شعبن ۾ ڪوڊنگ، ماليات، قانون، سائبر سيڪيورٽي ۽ سائنس شامل آهن. اهو ماڊل خودمختار اي آءِ ايجنٽس تيار ڪرڻ جي خواهشمند ڪمپنين لاءِ گهٽ لاڳت جو متبادل فراهم ڪري ٿو.