دهشتگردي ٽوڙ عدالت شاهراهه دستور تي احتجاج جي معاملي تي گرفتار پي ٽي آءِ جي 5 ڪارڪنن کي سڃاڻپ پريڊ لاءِ جيل موڪلي ڇڏيو

اسلام آباد- 21 سيپٽمبر (اي پي پي) دهشتگردي ٽوڙ عدالت جي جج طاهر عباس سپرا جي عدالت 15 فيبروري تي پي ٽي آءِ جي اسيمبلي ميمبرن ۽ ڪارڪنن طرفان شاهراهه دستور تي احتجاج جي معاملي تي گرفتار 5 ڪارڪنن کي سڃاڻپ پريڊ لاءِ جيل موڪلي ڇڏيو. سومر ڏينهن ٻڌڻي دوران پوليس طرفان ڪيس ۾ گرفتار 5 پي ٽي آءِ ڪارڪنن کي عدالت ۾ پيش ڪيو ويو ۽ پوليس طرفان سڃاڻپ پريڊ لاءِ ملزمن کي جڊيشل رمانڊ تي جيل موڪلڻ جي گذارش ڪئي وئي. عدالت پوليس جي گذارش منظور ڪندي ملزمن کي سڃاڻپ پريڊ لاءِ اڊيالا جيل موڪلڻ جو حڪم ڏئي ڇڏيو. پي ٽي آءِ ڪارڪنن کي سيڪريٽريٽ ٿاڻي ۾ داخل ڪيس ۾ گرفتار ڪيو ويو آهي.