اسلام آباد - 12 آگسٽ (اي پي پي) صدر آصف علي زرداري ايوان صدر ۾ پاڪستان جي ليبيا جي لاءِ نامزد سفير ميجر جنرل (ر) ممتاز حسين سان ملاقات دوران کيس پاڪستان ۽ ليبيا جي وچ ۾ اعلى سطح جي سياسي رابطن کي وڌيڪ مضبوط بڻائڻ ۽ اقتصادي، واپاري ۽ سيڙپڪاري جي تعاون کي سگهه ڏيڻ جي لاءِ ڪم ڪرڻ جي هدايت ڪئي. اربع ڏينهن ايوان صدر جي پريس ونگ …
صدر آصف علي زرداري سان پاڪستان جي ليبيا لاءِ نامزد سفير ميجر جنرل (ر) ممتاز حسين جي ملاقات
مزید خبریں
اسلام آباد – 12 آگسٽ (اي پي پي) صدر آصف علي زرداري ايوان صدر ۾ پاڪستان جي ليبيا جي لاءِ نامزد سفير ميجر جنرل (ر) ممتاز حسين سان ملاقات دوران کيس پاڪستان ۽ ليبيا جي وچ ۾ اعلى سطح جي سياسي رابطن کي وڌيڪ مضبوط بڻائڻ ۽ اقتصادي، واپاري ۽ سيڙپڪاري جي تعاون کي سگهه ڏيڻ جي لاءِ ڪم ڪرڻ جي هدايت ڪئي. اربع ڏينهن ايوان صدر جي پريس ونگ پاران جاري بيان موجب صدر آصف علي زرداري ميجر جنرل (ر) ممتاز حسين کي سفير مقرر ٿيڻ تي مبارڪباد ڏيندي چيو ته پاڪستان ليبيا سان پنهنجي پراڻي ۽ دوستاڻي لاڳاپن کي تمام گهڻي اهميت ڏي ٿو جيڪي گڏيل ايمان، گڏيل احترام ۽ گڏيل قدرن تي قائم آهن. هن دفاع، توانائي، انفارميشن ٽيڪنالاجي، صحت، تعليم، زراعت ۽ انساني وسيلن جي ترقي جي شعبن ۾ تعاون وڌائڻ جي گنجائش تي زور ڏنو. صدر ٻنهي ملڪن جي ڪاروباري برادرين جي وچ ۾ رابطا وڌائڻ ۽ خصوصي سيڙپڪاري سهولت ڪائونسل (ايس آءِ ايف سي) تحت پاڪستان ۾ موجود سيڙپڪاري جي موقعن کي اجاگر ڪرڻ جي اهميت تي پڻ زور ڏنو. صدر آصف علي زرداري چيو ته پاڪستان ليبيا جي خودمختياري، اتحاد، علائقائي سالميت ۽ پائيدار امن، استحڪام ۽ قومي مفاهمت جي لاءِ ان جي ڪوششن جي حمايت جاري رکندو. هن نامزد سفير کي هدايت ڪئي ته ليبيا ۾ پاڪستاني ڪميونٽي جي ڀلائي کي ترجيح ڏني وڃي. صدر فلسطين ۽ ڄمون ۽ ڪشمير سميت گڏيل دلچسپي جي معاملن تي گڏيل قومن، اسلامي تعاون تنظيم (او آءِ سي) ۽ ٻين گهڻ رخي فورمز ۾ ليبيا کان مسلسل تعاون جي اميد پڻ ظاهر ڪئي. صدر نامزد سفير جي لاءِ ڪامياب ۽ ڪارائتي سفارتي مدي جي لاءِ نيڪ خواهشن جو اظهار ڪيو ۽ کيس هدايت ڪئي ته هو ليبيا جي قيادت ۽ عوام جي لاءِ سندس پاران شاندار خيرسگالي جو پيغام پهچائي. ميجر جنرل (ر) ممتاز حسين چيو ته بطور سفير سندس ترجيح ليبيا ۾ پاڪستاني ڪميونٽي سان لاڳاپيل معاملن تي ڪم ڪرڻ ۽ پاڪستان ۽ ليبيا جي وچ ۾ ٻطرفي واپار کي فروغ ڏيڻ ۽ ان ۾ اضافو ڪرڻ هوندو.
