آمريڪي صدر جي گولف ڪلب ويجهو آمريڪي جنگي جهازن 2 سويلين جهازن کي روڪي ڇڏيو

واشنگٽن- 10 آگسٽ (اي پي پي) آمريڪي صدر جي گولف ڪلب ويجهو آمريڪي جنگي جهازن ٻن سويلين جهازن کي روڪي ڇڏيو. پرڏيهي ميڊيا موجب آمريڪي جهازن نيو جرسي جي علائقي بيڊمنسٽر ۾ صدر ڊونلڊ ٽرمپ جي گولف ڪلب ويجهو منع ٿيل فضائي حدن ۾ داخل ٿيندڙ ٻن سويلين جهازن کي روڪي ڇڏيو. اتر آمريڪا جي فٰضائي ۽ خلائي دفاعي ڪمانڊ ”ايڪس“ تي جاري بيان ۾ چيو ته ايف 16 جنگي جهازن بيڊمنسٽر مٿان عارضي اڏام پابندين جي ڀڃڪڙي ڪندڙ ڪيترن ئي جنرل ايوي ايشن جهازن کي روڪيو ۽ سمورن جهازن کي حفاظت سان علائقي مان ٻاهر ڇڏيو ويو.