وزيراعظم محمد شهباز شريف سان قومي صحت واري وفاقي وزير سيد مصطفيٰ ڪمال جي ملاقات

اسلام آباد- 30 جولاءِ (اي پي پي) وزيراعظم محمد شهباز شريف سان قومي صحت واري وفاقي وزير سيد مصطفيٰ ڪمال ملاقات ڪئي ۽ قومي صحت واري وزارت جي معاملن تي خيالن جي ڏي وٺ ڪئي. خميس ڏينهن وزيراعظم آفيس جي ميڊيا ونگ پاران جاري ڪيل بيان موجب، قومي صحت واري وفاقي وزير سيد مصطفيٰ ڪمال وزيراعظم کي وزارت ۾ جاري منصوبن ۽ بيمارين جي روڪٿام لاءِ کنيل خصوصي قدمن بابت بريفنگ ڏني. ملاقات ۾ ملڪ جي مجموعي سياسي صورتحال تي پُڻ ڳالهه ٻولهه ڪئي وئي.