ڪراچي- 30 جولاءِ (اي پي پي) صدر آصف علي زرداري سان وفاقي گهرو وزير سيد محسن نقوي هتي ملاقات ڪئي جنهن ۾ ملڪ جي مجموعي امن امان جي صورتحال، خاص طور تي خيبر پختونخوا ۽ بلوچستان جي سيڪيورٽي صورتحال تي خيالن جي ڏي وٺ ڪئي. خميس ڏينهن ايوان صدر جي پريس ونگ موجب، گهرو وزير صدر کي خيبر پختونخوا ۽ بلوچستان ۾ امن امان جي موجوده صورتحال ۽ دهشتگردي خلاف …
صدر آصف علي زرداري سان وفاقي گهرو وزير سيد محسن نقوي جي ملاقات
مزید خبریں
ڪراچي- 30 جولاءِ (اي پي پي) صدر آصف علي زرداري سان وفاقي گهرو وزير سيد محسن نقوي هتي ملاقات ڪئي جنهن ۾ ملڪ جي مجموعي امن امان جي صورتحال، خاص طور تي خيبر پختونخوا ۽ بلوچستان جي سيڪيورٽي صورتحال تي خيالن جي ڏي وٺ ڪئي. خميس ڏينهن ايوان صدر جي پريس ونگ موجب، گهرو وزير صدر کي خيبر پختونخوا ۽ بلوچستان ۾ امن امان جي موجوده صورتحال ۽ دهشتگردي خلاف جاري قدمن بابت بريفنگ ڏني. صدر آصف علي زرداري دهشتگردي جي خلاف پاڪستاني فوج، قانون لاڳو ڪندڙ ادارن ۽ پوليس جي بهادري، پيشيوراڻين صلاحيتن ۽ قربانين کي خراج تحسين پيش ڪيو. هن چيو ته پوري قوم دهشتگردي جي خاتمي ۽ ملڪ ۾ پائيدار امن قائم ڪرڻ لاءِ پنهنجي سيڪيورٽي فورسز سان گڏ بيٺي آهي. ملاقات دوران ملڪ جي موجوده سياسي صورتحال تي به تفصيلي خيالن جي ڏي وٺ ڪئي وئي ۽ گڏيل دلچسپي جي ٻين اهم قومي معاملن تي پڻ خيالن جي ڏي وٺ ڪئي وئي.
