تهران۔03 جولاءِ (اي پي پي) سينيٽ چيئرمين سيد يوسف رضا گيلاني هڪ اعليٰ سطحي پاڪستاني وفد سان گڏ تهران پهتو آهي جتي هو آيت الله سيد علي خامنه اي جي جنازي نماز ۽ تدفين ۾ شرڪت ڪندو. خيبر پختونخوا جو گورنر فيصل ڪريم ڪنڊي به ان موقعي تي سينيٽ چيئرمين سان گڏ آهي. سينيٽ سيڪريٽريٽ موجب، تهران آمد تي ايراني عملدارن ۽ پارلياماني نمائندن پاڪستاني وفد جو گرمجوشي سان استقبال …
سينيٽ چيئرمين سيد يوسف رضا گيلاني آيت الله سيد علي خامنه اي جي جنازي نماز ۽ تدفين ۾ شرڪت لاءِ اعليٰ سطحي پاڪستاني وفد سان تهران پهچي ويو
مزید خبریں
تهران۔03 جولاءِ (اي پي پي) سينيٽ چيئرمين سيد يوسف رضا گيلاني هڪ اعليٰ سطحي پاڪستاني وفد سان گڏ تهران پهتو آهي جتي هو آيت الله سيد علي خامنه اي جي جنازي نماز ۽ تدفين ۾ شرڪت ڪندو. خيبر پختونخوا جو گورنر فيصل ڪريم ڪنڊي به ان موقعي تي سينيٽ چيئرمين سان گڏ آهي. سينيٽ سيڪريٽريٽ موجب، تهران آمد تي ايراني عملدارن ۽ پارلياماني نمائندن پاڪستاني وفد جو گرمجوشي سان استقبال ڪيو. تهران جي دوري دوران، سينيٽ چيئرمين جي ايراني قيادت ۽ پارلياماني عملدارن سان ملاقات جي به اميد آهي، جن ۾ ٻطرفن لاڳاپن، پارلياماني تعاون ۽ گڏيل دلچسپي جي ٻين معاملن تي خيالن جي ڏي وٺ ڪئي ويندي. ان موقعي تي، پاڪستان ۽ ايران جي وچ ۾ تاريخي، مذهبي، ثقافتي ۽ ڀائراڻن لاڳاپن کي وڌيڪ مضبوط بڻائڻ جي عزم جو به ورجاءُ ڪيو ويندو. تهران ۾ ميڊيا سان ڳالهائيندي سينيٽ چيئرمين سيد يوسف رضا گيلاني ايراني قيادت، پارليامينٽ ۽ عوام سان دلي تعزيت ۽ همدردي جو اظهار ڪيو. هن چيو ته آيت الله سيد علي خامنه اي اسلامي دنيا ۾ هڪ موثر، باوقار ۽ بااثر شخصيت هئا، جن جي ديني، فڪري ۽ سياسي خدمتن کي سدائين ياد رکيو ويندو. سينيٽ چيئرمين چيو ته پاڪستان ۽ ايران جا پراڻا ڀائراڻا لاڳاپا آهن ۽ پاڪستان ڏک جي هن گھڙي ۾ ايراني عوام سان مڪمل يڪجهتي جو اظهار ڪري ٿو. هن ان اميد جو اظهار ڪيو ته ٻنهي ملڪن جي وچ ۾ گڏيل تعاون ۽ پارلياماني رابطا مستقبل ۾ وڌيڪ ترقي ڪندا.
