اڳتي وڌڻ لاءِ ماضيءَ کي درست ڪرڻ ضرورت آهي، هڪ شخص جي خواهش تي ڪا پارٽي نٿي هلي سگهي: خواجه محمد آصف

اسلام آباد-24 جون (اي پي پي) دفاع واري وفاقي وزير خواجه محمد آصف چيو آهي ته اڳتي وڌڻ لاءِ ماضيءَ کي درست ڪرڻ ضرورت آهي، هڪ شخص جي خواهش تي ڪا پارٽي نٿي هلي سگهي. اربع ڏينهن قومي اسيمبليءَ اجلاس ۾ پنهنجن خيالن جو اظهار ڪندي هن چيو ته پ پ پ ۽ مسلم ليگ (ن) وچ ۾ ماضيءَ ۾ هڪٻئي سان اختلاف ۽ جهيڙي جي تاريخ رهي آهي، پوءِ ٻنهي پارٽين احساس ڪيو ته جمهوريت ۽ جمهوري روايتن کي اڳتي وڌائڻ لاءِ اسان کي هڪ طريقو اختيار ڪرڻ گهرجي ۽ ان ئي جذبي تحت ميثاقِ جمهوريت تي صحيح ڪئي وئي. هن چيو ته مان ڪنهن کي هدايت يا مطالبو ڪندو آهيان ته ان جو مطالبي کان پهرين هٿن جو صاف هئڻ ضروري آهي، ماضيءَ ۾ هن ايوان ۾ جڏهن مخالف ڌر جي حڪومت هئي ته مراد سعيد ميزن مٿان ڊوڙندو هو، هن ايوان ۾ انهن ماڻهن ڇا ڇا نه ڪيو. بچاءُ واري وزير چيو ته ماضيءَ کي درست ڪرڻ ضروري آهي، سمورين پارٽين کي چارٽر آف ڊيموڪريسي تي صحيح ڪرڻ گهرجي ۽ جيڪڏهن ڪا گهٽتائي آهي ته اها به ان ۾ شامل ڪري ان تي عمل ڪرڻ گهرجي پر ان سان گڏوگڏ اهو نه وسارڻ گهرجي ته ماضيءَ ۾ ڇا ڇا نه ٿيو، هن ايوان ۾ اڌ ڪلاڪ ۾ 56 قانون منظور ڪيا ويا. اسپيڪر جي ڪرسيءَ کي اسيمبلي ٽوڙڻ لاءِ استعمال ڪيو ويو. بچاءُ واري وزير چيو ته وزيراعظم محمد شهباز شريف اڱاري تي جڏهن ايوان ۾ آيو ته سڀ کان پهرين هو ليڊر آف دي اپوزيشن وٽ ويو، ناڻي وارو وزير انهن وٽ ويو، جڏهن پي ٽي آءِ جو باني وزيراعظم هو ته اهو سوچي نه پئي سگهبو هو ته سندن ڪو ماڻهو مخالف بينچن تي نه ايندو هو ته ڪٿي پي ٽي آءِ باني ناراض نه ٿي وڃي، پارلياماني نظام ۽ سياست کي عمران خان جيترو نقصان پهچايو 75 سالن ۾ ڪنهن نه پهچايو، ان جي تابعداري ۾ سندن ميمبرن به ان ۾ حصو ورتو. بچاءُ واري وزير چيو ته محمود خان سان سندس پُراڻو واسطو آهي، اهي مخالف ڌر ۾ انهن ماڻهن وچ ۾ عجيب ۽ غريب لڳن ٿا، ڇاڪاڻ ته انهن ماڻهن جي ڪا روايت ئي ناهي، هڪ ماڻهو جي خواهش تي ڪا پارٽي نٿي هلي سگهي، سندس پارٽيءَ ۾ جمهوريت ئي ناهي.