برگن اسٽاڪ- 21 جون (اي پي پي) وزيراعظم محمد شهباز شريف سان سوئٽزرلينڊ جي نائب صدر ۽ پرڏيهي وزير اگنازيو ڪاسِس برگن اسٽاڪ ۾ آمريڪا ۽ ايران جي وچ ۾ جاري ٽيڪنيڪل سطح جي ڳالهين جي موقعي تي ملاقات ڪئي ۽ ايران ۽ آمريڪا جي وچ ۾ اسلام آباد مفاهمتي يادداشت تي صحيحن تائين پهچندڙ ڳالهين واري عمل ۾ پاڪستان جي موثر ثالثي جي ڪردار جي واکاڻ ڪئي ۽ هن …
وزيراعظم محمد شهباز شريف سان سوئٽزرلينڊ جي نائب صدر ۽ پرڏيهي وزير جي آمريڪا ۽ ايران جي وچ ۾ جاري ٽيڪنيڪل سطح جي ڳالهين جي موقعي تي ملاقات
مزید خبریں
برگن اسٽاڪ- 21 جون (اي پي پي) وزيراعظم محمد شهباز شريف سان سوئٽزرلينڊ جي نائب صدر ۽ پرڏيهي وزير اگنازيو ڪاسِس برگن اسٽاڪ ۾ آمريڪا ۽ ايران جي وچ ۾ جاري ٽيڪنيڪل سطح جي ڳالهين جي موقعي تي ملاقات ڪئي ۽ ايران ۽ آمريڪا جي وچ ۾ اسلام آباد مفاهمتي يادداشت تي صحيحن تائين پهچندڙ ڳالهين واري عمل ۾ پاڪستان جي موثر ثالثي جي ڪردار جي واکاڻ ڪئي ۽ هن عمل جي ايندڙ مرحلن ۾ تعاون ۽ مدد جي خواهش جو اظهار ڪيو. وزيراعظم آفيس جي ميڊيا ونگ پاران جاري ڪيل بيان موجب، ملاقات دوران، وزيراعظم سوئس حڪومت جا ٿورا ادا ڪيا ۽ ان اعتماد جو اظهار ڪيو ته اسلام آباد مفاهمتي يادداشت تي ڪامياب عملدرآمد خطي ۾ پائيدار امن ۽ عالمي اقتصادي استحڪام جي فروغ ۾ مددگار ثابت ٿيندو. وزيراعظم پاڪستان ۾ سوئٽزرلينڊ جي مسلسل سيڙپڪاري جي واکاڻ ڪندي اميد ظاهر ڪئي ته سوئس ڪمپنيون پنهنجي سيڙپڪاري ۾ وڌيڪ اضافو ڪنديون. هن انفارميشن ٽيڪنالاجي ۽ سائبر سيڪيورٽي جي شعبن ۾ سوئٽزرلينڊ جي وڌندڙ ضرورتن کي پورو ڪرڻ لاءِ پاڪستان جي اعليٰ تربيت يافته ماهرن جون خدمتون فراهم ڪرڻ جي آڇ پڻ ڪئي. ٻنهي ڌرين دواسازي، سياحت، موسمياتي تبديلي ۽ آفتن جي خطري ۾ گهٽتائي جهڙن گڏيل مفادن جي شعبن ۾ تعاون وڌائڻ جي امڪانن تي پڻ خيالن جي ڏي وٺ ڪئي. وزيراعظم ان موقعي تي سوئس پرڏيهي وزير کي پاڪستان جي دوري جي دعوت پڻ ڏني.
