ڪراچي- 08 جون (اي پي پي) سنڌ اسيمبلي جي اسپيڪر سيد اويس قادر شاهه گلگت بلتستان ۾ پاڪستان پيپلز پارٽي جي شاندار ڪاميابي تي چيئرمين بلاول ڀٽو زرداري، پارٽي قيادت، ڪارڪنن ۽ ووٽرن کي دل جي گهراين سان مبارڪ ڏني آهي. پنهنجي جاري ڪيل بيان ۾ سنڌ اسيمبلي جي اسپيڪر چيو ته گلگت بلتستان جي عوام هڪ ڀيرو ٻيهر پ پ پ تي پنهنجي اعتماد جو اظهار ڪندي پارٽي جي …
سنڌ اسيمبلي جي اسپيڪر پاران گلگت بلتستان ۾ پاڪستان پيپلز پارٽي جي شاندار ڪاميابي تي پارٽي قيادت ۽ ووٽرن کي مبارڪون پيش
مزید خبریں
ڪراچي- 08 جون (اي پي پي) سنڌ اسيمبلي جي اسپيڪر سيد اويس قادر شاهه گلگت بلتستان ۾ پاڪستان پيپلز پارٽي جي شاندار ڪاميابي تي چيئرمين بلاول ڀٽو زرداري، پارٽي قيادت، ڪارڪنن ۽ ووٽرن کي دل جي گهراين سان مبارڪ ڏني آهي. پنهنجي جاري ڪيل بيان ۾ سنڌ اسيمبلي جي اسپيڪر چيو ته گلگت بلتستان جي عوام هڪ ڀيرو ٻيهر پ پ پ تي پنهنجي اعتماد جو اظهار ڪندي پارٽي جي عوام دوست پاليسين جي توثيق ڪئي آهي. سيد اويس قادر شاهه چيو ته پيپلز پارٽي جي ڪاميابي شهيد ذوالفقار علي ڀٽو ۽ شهيد محترمه بينظير ڀٽو جي عوامي فلسفي، جمهوري سوچ ۽ عوامي خدمت جي سياست جي فتح آهي. هن چيو ته پاڪستان پيپلز پارٽي هميشه عوام جي حقن، ترقي ۽ خوشحالي لاءِ جدوجهد ڪئي آهي. هن وڌيڪ چيو ته چيئرمين بلاول ڀٽو زرداري جي متحرڪ قيادت ۾ پاڪستان پيپلز پارٽي عوامي خدمت، ترقي ۽ جمهوريت جي استحڪام جو سفر جاري رکندي. سندس چوڻ هو ته گلگت بلتستان ۾ پيپلز پارٽي جي ڪاميابي جمهوريت، ترقي ۽ عوامي خدمت جي هڪ نئين باب جي شروعات ثابت ٿيندي. اسپيڪر اميد ظاهر ڪئي ته چونڊيل نمائندا عوام جي اميدن تي پورو لهندي علائقي جي ترقي ۽ خوشحالي لاءِ ڀرپور ڪردار ادا ڪندا.
