يوڪرين پاران روس تي حملو، 2 ڄڻا مارجي ويا، 6 زخمي

ماسڪو- 4 مئي (اي پي پي) يوڪرين جي تازن حملن ۾ روس جا ٻه ماڻهو مارجي 6 زخمي ٿي پيا آهن. پرڏيهي ميڊيا موجب روس جي  ڊونيٽسڪ واري علائقي جي هورليوڪا جي ڪليننسڪي ضلعي ۾ يوڪرين جي ڊرون حملي ۾ هڪ شادي شده جوڙو مارجي ويو ۽ هڪ شخص زخمي ٿيو آهي. جڏهن ته ساڳئي شهر جي هڪ ٻئي علائقي ۾، هڪ شخص ناقابل استعمال ڪلسٽر گولا اوچتو ڦاٽڻ سبب زخمي ٿي پيو. ان کان علاوه، ماريوپول جي شهري ضلعي ۾ هڪ آبادي تي هڪ الڳ ڊرون حملي ۾ ٻه وڌيڪ ماڻهو زخمي ٿيا. ٻئي طرف، بيلگوروڊ اختيارين چيو ته يوڪرين جي ڊرون هڪ ڪمرشل عمارت کي نشانو بڻايو جنهن سان عمارت ۽ ست گاڏين کي نقصان پهتو آهي . حملي ۾ هڪ 17 سالن جي ڇوڪري سخت زخمي ٿي پئي، ۽ هڪ 20 سالن جو نوجوان به زخمي ٿي پيو آهي.