اسرائيلي فوج جي فائرنگ، اولهندي ڪناري ۾ 16 سالن جو فلسطيني نينگر شهيد

رمله – 30 اپريل (اي پي پي) اسرائيلي فوج جي والاريل اولهندي ڪناري ۾ حملي دوران فائرنگ ۾ فلسطيني نينگر شهيد ٿي ويو آهي. پرڏيهي ميڊيا مطابق فلسطين جي صحت واري وزارت ٻڌايو آهي ته گذريل ڏينهن اسرائيلي فوج جي فائرنگ سبب شهيد ٿيل فلسطيني نينگر جي عمر 16 سال هئي. پرڏيهي ميڊيا مطابق اسرائيلي فوجين الخليل شهر ۾ فوجي حملي دوران فائرنگ ڪري هڪ فلسطيني نينگر کي شهيد ڪري ڇڏيو. فلسطين جي صحت بابت اختيارين جو چوڻ آهي ته اتر غزه ۾ اسرائيلي حملي ۾ هڪ طبي ڪارڪن به مارجي ويو.