ايل اين جي جي دستيابي ۽ پاڻي جي اخراج ۾ اضافي سان رات جي وقت جو شارٽ فال ختم ٿي ويندو: پاور ڊويزن جو ترجمان

اسلام آباد_29 اپريل (اي پي پي) پاور ڊويزن چيو آهي ته اڄ بجلي جي ورڇيندڙ ڪمپنين رات جي پيڪ وقت ۾ 25 منٽن کان هڪ ڪلاڪ تائين لوڊ مينيجمينٽ ڪئي . ملڪ ۾ وڌيڪ نقصان وارن فيڊرن تي اڪنامڪ لوڊ مينيجمينٽ پاليسي تحت بجلي جي ورڇ ڪئي پئي وڃي. ايل اين جي جي دستيابي ۽ پاڻي جي اخراج ۾ اضافي سان رات جي وقت جو شارٽ فال ختم ٿي ويندو. پاور ڊويزن جي ترجمان 28 اپريل تي رات پيڪ وقت ۾ بجلي جي صورتحال جي حوالي سان جاري بيان ۾ چيو آهي ته ڪالهه رات پيڪ ٽائيم ۾ پن بجلي جي پيداوار 6000 ميگا واٽ رڪارڊ ڪئي وئي جڏهن ته ملڪ جي ڪل پن بجلي جي صلاحيت 11500 ميگا واٽ آهي . ڪجهه پاور پلانٽس کي مقامي گيس جي فراهمي سان بجلي پيداوار ۾ وڌيڪ بهتري آئي آهي. پن بجلي ۽ اضافي مقامي گيس جي دستيابي سان بجلي جي پيداوار ۾ اضافي سان ملڪ جي نيشنل گرڊ ۾ استحڪام عيوض وڌيڪ 100 ميگا واٽ مرڪز ۾ آڻڻ ۾ آساني ٿي . ملڪ جي ڏکڻ واري گرڊ مان ڪل 500 ميگاواٽ جي فراهمي ممڪن ٿي، رات جو 8 وڳي بعد موسمي حالتن جي بنياد تي گهرج ۾ گهٽتائي سان ڪو لوڊ مينيجمينٽ ناهي ٿيو . ترجمان چيو ته اڪنامڪ لوڊ مينيجمينٽ جو پيڪ آورز ۾ لوڊ مينيجمينٽ سان ڪو تعلق ناهي. ايل اين جي جي عالمي حالتن جي بنياد تي عدم دستيابي سان 500 ميگا واٽ پاور پلانٽس مان بجلي  پيدا ناهي ٿي رهي.