اسلام آباد-07 اپريل (اي پي پي) وزيراعظم محمد شهباز شريف يوٿ پروگرام تحت جاري منصوبن جي رفتار کي تيز ڪرڻ ۽ نوجوانن کي وڌ کان وڌ موقعا فراهم ڪرڻ لاءِ ڪوششون وڌائڻ جي هدايت ڪندي چيو آهي ته نوجوانن کي روزگار، تعليم، فني تربيت ۽ ٻيا موقعا فراهم ڪرڻ پاڪستان جي حڪومت جي اولين ترجيحن ۾ شامل آهي. هو پرائم منسٽر يوٿ پروگرام جي چيئرمين راڻا مشهود احمد خان سان …
وزيراعظم پاران يوٿ پروگرام تحت جاري منصوبن جي رفتار کي تيز ڪرڻ ۽ نوجوانن کي وڌ کان وڌ موقعا فراهم ڪرڻ لاءِ ڪوششون وڌائڻ جي هدايت
اسلام آباد-07 اپريل (اي پي پي) وزيراعظم محمد شهباز شريف يوٿ پروگرام تحت جاري منصوبن جي رفتار کي تيز ڪرڻ ۽ نوجوانن کي وڌ کان وڌ موقعا فراهم ڪرڻ لاءِ ڪوششون وڌائڻ جي هدايت ڪندي چيو آهي ته نوجوانن کي روزگار، تعليم، فني تربيت ۽ ٻيا موقعا فراهم ڪرڻ پاڪستان جي حڪومت جي اولين ترجيحن ۾ شامل آهي. هو پرائم منسٽر يوٿ پروگرام جي چيئرمين راڻا مشهود احمد خان سان ڳالهائي رهيو هو، جنهن اڱاري ڏينهن هتي ساڻس ملاقات ڪئي. وزيراعظم آفيس جي ميڊيا ونگ پاران جاري بيان موجب، ملاقات ۾، چيئرمين يوٿ پروگرام وزيراعظم کي يوٿ پروگرام تحت مختلف منصوبن تي اڳڀرائي بابت آگاهه ڪيو. وزيراعظم يوٿ پروگرام تحت جاري منصوبن جي رفتار کي تيز ڪرڻ ۽ نوجوانن کي وڌ کان وڌ موقعا فراهم ڪرڻ لاءِ ڪوششون وڌيڪ وڌائڻ جي هدايت ڪندي چيو ته نوجوان اسان جي قوم جو مستقبل آهن، انهن کي روزگار، تعليم، فني تربيت ۽ ٻيا موقعا فراهم ڪرڻ پاڪستان جي حڪومت جي اولين ترجيحن ۾ شامل آهي، اسان نوجوانن کي عالمي مارڪيٽ ۾ بهترين افرادي قوت طور متعارف ڪرائڻ جي لاءِ ڪوششُون ڪري رهيا آهيون.
