اسلام آباد-05 اپريل (اي پي پي) قومي اسيمبلي جي اسپيڪر سردار اياز صادق مسيحي برادري سان تعلق رکندڙ پارليامينٽ جي ميمبرن سميت پاڪستان ۾ رهندڙ سموري مسيحي برادري کي ايسٽر جي موقعي تي دلي مبارڪون پيش ڪيون آهن. اسپيڪر ميڊيا آفيس مان جاري بيان مطابق اسپيڪر اياز صادق چيو ته ايسٽر محبت، اميد ۽ امن جو عالمگير پيغام ڏئي ٿو. هن چيو ته پاڪستان ۾ رهندڙ مسيحي برادري ملڪ جي …
قومي اسيمبلي جي اسپيڪر سردار اياز صادق پاران مسيحي برادري کي ايسٽر جي موقعي تي مبارڪون
مزید خبریں
اسلام آباد-05 اپريل (اي پي پي) قومي اسيمبلي جي اسپيڪر سردار اياز صادق مسيحي برادري سان تعلق رکندڙ پارليامينٽ جي ميمبرن سميت پاڪستان ۾ رهندڙ سموري مسيحي برادري کي ايسٽر جي موقعي تي دلي مبارڪون پيش ڪيون آهن. اسپيڪر ميڊيا آفيس مان جاري بيان مطابق اسپيڪر اياز صادق چيو ته ايسٽر محبت، اميد ۽ امن جو عالمگير پيغام ڏئي ٿو. هن چيو ته پاڪستان ۾ رهندڙ مسيحي برادري ملڪ جي ترقي ۽ خوشحالي ۾ اهم ڪردار ادا ڪري رهي آهي. اياز صادق زور ڀريو ته مذهبي تهوار گڏيل هم آهنگي، گڏيل احترام ۽ ڀائيچاري کي هٿي ڏيڻ جو هڪ اهم ذريعو آهن. هن چيو ته ايسٽر قرباني، معافي ۽ انسانيت جي خدمت جون قدرون سيکاري ٿو ۽ سمورا مذهب امن، رواداري ۽ گڏيل بقا جي تلقين ڏين ٿا. سردار اياز صادق واضح ڪيو ته پاڪستان ۾ اقليتن جي حقن جو تحفظ آئيني ۽ قومي ذميواري آهي. هن ٻيهر يقين ڏياريو ته پاڪستان جي پارليامينٽ سمورن شهرين کي برابر جا حق ۽ موقعا فراهم ڪرڻ لاءِ پرعزم آهي. قائداعظم جي ويزن جو حوالو ڏيندي اسپيڪر چيو ته پاڪستان ۾ اقليتن کي مڪمل مذهبي آزادي حاصل آهي ۽ اهي قوم جو لازمي حصو آهن. هن تاڪيد ڪئي ته قومي اتحاد، هم آهنگي ۽ گڏيل احترام پائيدار ترقي ۽ خوشحالي حاصل ڪرڻ لاءِ ضروري آهن. سردار اياز صادق سموري قوم کي اپيل ڪئي ته هو محبت، يڪجهتي ۽ هم آهنگي جو مظاهرو ڪن. هن سڀني کان مطالبو ڪيو ته سڀ گڏجي هڪ پرامن، خوشحال ۽ جامع معاشري جي تعمير لاءِ ڪوششون ڪن. قومي اسيمبلي جي اسپيڪر پاڪستان ۽ سڄي دنيا ۾ امن، استحڪام ۽ خوشحالي جي دعا به ڪئي.
