نائب وزيراعظم ۽ پرڏيهي وزير سينيٽر محمد اسحاق ڊار ۽ چين جي پرڏيهي وزير وانگ يي ۾ ملاقات، علائقائي سيڪيورٽي صورتحال جي سنگين سماجي ۽ اقتصادي اثرن تي ڳڻتي جو اظهار

اسلام آباد- پهرين اپريل (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ۽ چين جي پرڏيهي وزير وانگ يي جي وچ ۾ ملاقات ۾ ٻنهي اڳواڻن اولهه ايشيا جي علائقائي صورتحال ۽ ٻه طرفي لاڳاپن تي خيالن جي ڏي وٺ ڪئي. ٻنهي ڌرين علائقائي سيڪيورٽي صورتحال جو جائزو ورتو ۽ اُسرندڙ ملڪن تي ان جي سنگين سماجي ۽ اقتصادي اثرن تي گهري ڳڻتي جو اظهار ڪيو. اربع ڏينهن پرڏيهي آفيس پاران جاري ڪيل بيان موجب نائب وزيراعظم ۽ پرڏيهي وزير سينيٽر محمد اسحاق ڊار چيني پرڏيهي وزير وانگ يي جي دعوت تي 31 مارچ کان پهرين اپريل تائين بيجنگ جو سرڪاري دورو ڪيو. ملاقات روايتي طور تي گرمجوشي ۽ خوشگوار ماحول ۾ ٿي. ٻنهي اڳواڻن اولهه ايشيا ۾ علائقائي صورتحال ۽ ٻه طرفي لاڳاپن تي خيالن جي ڏي وٺ ڪئي. نائب وزيراعظم ۽ پرڏيهي وزير چيني پرڏيهي وزير وانگ يي کي پاڪستان طرفان تڪرار ختم ڪرڻ ۽ ڳالهين جي بحالي لاءِ جاري ڪوششن کان تفصيلي طور تي آگاهه ڪيو، جنهن ۾ اسلام آباد ۾ پاڪستان، سعودي عرب، ترڪي ۽ مصر جي پرڏيهي وزيرن جي تازي ملاقات پُڻ شامل آهي. ٻنهي ڌرين علائقائي سيڪيورٽي صورتحال جو جائزو ورتو ۽ اُسرندڙ ملڪن تي ان جي سنگين سماجي ۽ اقتصادي اثرن تي گهري ڳڻتي جو اظهار ڪيو. هن ڏس ۾، ٻنهي ملڪن نار ۽ وچ اوڀر ۾ امن ۽ استحڪام جي بحالي لاءِ پنج نقاطي قدمن جي شروعات ڪئي. ٻنهي ڌرين علائقائي سلامتي جي صورتحال جو جائزو ورتو ۽ اُسرندڙ ملڪن تي ان جي سنگين سماجي ۽ اقتصادي اثرن تي گهري ڳڻتي جو اظهار ڪيو. ان ڏس ۾ ٻنهي ملڪن نار ۽ وچ اوڀر ۾ امن ۽ استحڪام بحال ڪرڻ لاءِ پنج نقاطي قدمن جي شروعات ڪئي آهي. بيان موجب، پرڏيهي وزير وانگ يي اولهه ايشيا ۾ تڪرار جي خاتمي ۽ امن کي فروغ لاءِ پاڪستان جي فعال سفارتي ڪردار ۽ ڪوششن جي واکاڻ ڪئي ۽ پنهنجي حمايت جو اظهار ڪيو. ٻنهي پرڏيهي وزيرن ٻطرفي لاڳاپن ۾ وڌندڙ رفتار تي اطمينان جو اظهار ڪيو ۽ سي پيڪ 2.0 تحت اعليٰ معيار جي ترقي ۽ اسٽريٽجڪ تعاون جي فروغ سميت اعليٰ سطحي رابطن ۽ مٽاسٽا کي وڌيڪ مضبوط بنائڻ تي زور ڏنو، خاص طور تي هن سال جڏهن ٻنهي ملڪن جي وچ ۾ سفارتي لاڳاپن جي 75هين سالگرهه ملهائي پئي وڃي. نائب وزيراعظم پرڏيهي وزير وانگ يي پاران گرمجوشي سان ڪيل استقبال ۽ شاندار مهمان نوازي تي ٿورا مڃيا. ٻنهي اڳواڻن افغانستان جي صورتحال، امن ۽ استحڪام جي اهميت ۽ اثرائتي دهشتگردي جي موثر طور تي خاتمي جي ضرورت تي پڻ خيالن جي ڏي وٺ ڪئي. بيان موجب ٻنهي ڌرين گڏيل رابطي کي باقاعدگي سان جاري رکڻ تي اتفاق ڪيو.