آسٽريليا جي وزير اعظم ايران جي جنگ جي مقصدن تي صدر ٽرمپ کان وضاحت جو مطالبو

ڪينبرا-30 مارچ (اي پي پي) آسٽريليا جي وزير اعظم اينٿوني البانيز ايران جنگ جي مقصدن تي آمريڪي صدر ڊونلڊ ٽرمپ کان وضاحت جو مطالبو ڪيو آهي. پرڏيهي ميڊيا جي رپورٽن مطابق آسٽريليا جي وزير اعظم ميڊيا سان ڳالهائيندي چيو ته هن ايران ۾ جاري جنگ جي حوالي سان آمريڪي صدر کان جنگ جي مقصدن ۽ حڪمت عملي بابت وڌيڪ وضاحت گهري آهي. هن چيو ته اسين جنگ بابت وڌيڪ وضاحت ۽ ڇڪتاڻ ۾ گهٽتائي ڏسڻ چاهيون ٿا. هن چيو ته اسان کي اهو ڄاڻڻ ضروري آهي ته ان جنگ جا مقصد ڪهڙا آهن.