چين جي فلم باڪس آفيس 2026ع دوران 10 ارب يو آن کان وڌي وئي

بيجنگ -02 مارچ (اي پي پي) چين جي فلم باڪس آفيس سال 2026ع دوران 10 ارب يو آن کان وڌي وئي. پرڏيهي ميڊيا موجب آن لائين پليٽ فارمز جا انگ اکر ظاهر ڪن ٿا ته پهرين مارچ شام ستين وڳي تائين 2026ع ۾ چين ۾ رليز ٿيل فلمن جي مجموعي باڪس آفيس آمدني 10 ارب يو آن کان وڌي چڪي آهي، جيڪا اتر آمريڪي مارڪيٽ کان اڍائي ارب يو آن وڌيڪ اضافي سان دنيا ۾ پهرين نمبر تي آهي. هن وقت تائين فلم ڏسندڙن جو  انگ 22 ڪروڙ 50 لک جڏهن ته مجموعي شوز جو انگ 2 ڪروڙ 61 لک تائين پهچي چڪو آهي.