اسلام آباد-23 ڊسمبر (اي پي پي) وزيراعظم محمد شهباز شريف هڪ ڀيرو ٻيهر سياسي پارٽين جي وچ ۾ ڳالهين جي ضرورت تي زور ڏيندي چيو آهي ته پاڪستان جي ترقي ۽ خوشحالي لاءِ سياسي پارٽين جي وچ ۾ هم آهنگي ضروري آهي، پر ڳالهين جي آڙ ۾ بليڪ ميلنگ نه هلندي، شفافيت کي نظر ۾ رکندي، پي آءِ اي جي نجڪاري لاءِ ٻولي جي عمل کي سڌو سنئُون ڏيکارڻ جو …
وزيراعظم پاران سياسي پارٽين جي وچ ۾ ڳالهين جي ضرورت تي زور، پاڪستان جي ترقي ۽ خوشحالي لاءِ سياسي پارٽين جي وچ ۾ هم آهنگي ضروري آهي: محمد شهباز شريف
مزید خبریں
اسلام آباد-23 ڊسمبر (اي پي پي) وزيراعظم محمد شهباز شريف هڪ ڀيرو ٻيهر سياسي پارٽين جي وچ ۾ ڳالهين جي ضرورت تي زور ڏيندي چيو آهي ته پاڪستان جي ترقي ۽ خوشحالي لاءِ سياسي پارٽين جي وچ ۾ هم آهنگي ضروري آهي، پر ڳالهين جي آڙ ۾ بليڪ ميلنگ نه هلندي، شفافيت کي نظر ۾ رکندي، پي آءِ اي جي نجڪاري لاءِ ٻولي جي عمل کي سڌو سنئُون ڏيکارڻ جو فيصلو ڪيو ويو. اڱاري تي وفاقي ڪابينا جي اجلاس دوران پنهنجي افتتاحي جملن ۾، وزيراعظم انڊر 19 ايشيا ڪپ ۾ قومي ڪرڪيٽ ٽيم جي شاندار ڪارڪردگي جي واکاڻ ڪندي ٽيم کي ڪاميابي تي مبارڪباد ڏني. وزيراعظم وفاقي ڪابينا کي ٻڌايو ته اڄ پي آءِ اي جي نجڪاري جو ڏينهن آهي، ٻولي جي عمل کي شفاف بڻائڻ لاءِ دل سان ڪم ڪيو ۽ هن عمل کي سڌو سنئُون ڏيکارڻ جو فيصلو ڪيو، حڪومت درپيش چئلينجن کي منهن ڏيڻ لاءِ محنت سان ڪم ڪري رهي آهي، نجڪاري جي لاءِ نائب وزيراعظم، دفاع واري وزير ۽ ناڻي واري وزير شاندار ڪوششون ڪيون آهن، پي آءِ اي جي نجڪاري لاءِ لاڳاپيل عملدارن ۽ ڪابينا ميمبرن پڻ وڏي محنت سان ڪم ڪيو آهي. وزيراعظم چيو ته مُهربند لفافن ۾ ٻولي جي عمل کي سڌو سنئُون ڏيکاريو پيو وڃي. وزيراعظم چيو ته ملڪ جي تاريخ ۾ سڀ کان وڏي نجڪاري ٿيڻ وڃي رهي آهي، ان معاملي تي وفاقي ڪابينا ۾ سڀني کان راءِ ورتي ويندي. وزيراعظم فيلڊ مارشل سيد عاصم منير کي سعودي عرب پاران سعودي عرب جي اعليٰ ترين اعزاز "ڪنگ عبدالعزيز ايوارڊ” سان نوازڻ تي مبارڪباد ڏني ۽ چيو ته هي ايوارڊ صرف سندس لاءِ نه پر پوري قوم لاءِ اعزاز آهي. پي ٽي آءِ پاران ڳالهين جي معاملي تي ڳالهائيندي وزيراعظم چيو ته هن اسيمبلي جي فلور تان تحريڪ انصاف کي به ڳالهين جي دعوت ڏني هئي ۽ جيڪڏهن اهي تيار آهن ته حڪومت به ڳالهين لاءِ تيار آهي. سياسي پارٽين ۾ ڳالهيُون ۽ هم آهنگي پاڪستان جي ترقي ۽ خوشحالي لاءِ ضروري آهي، پر ڳالهين جي آڙ ۾ بليڪ ميلنگ نه ٿيڻ گهرجي، ملڪ کي اڳتي وڌڻ گهرجي ۽ ان جي لاءِ حڪومت هر قدم لاءِ تيار آهي.
