اسلام آباد- 22 ڊسمبر (اي پي پي) وفاقي تعليم ۽ پيشيواراڻي تربيت واري مملڪتي وزير وجيهه قمر سان اسلامڪ ڪوآپريشن يوٿ فورم (آءِ سي واءِ ايف) جي صدر طحه ايهان ۽ ڊائريڪٽر جنرل يونس ملاقات ڪئي. ملاقات دوران آءِ سي واءِ ايف جي وفد، او آءِ سي ميمبر ملڪن ۾ تعليم، نوجوانن جي ترقي ۽ پيشيواراڻي تربيت جي شعبن ۾ فورم جي جاري قدمن کان آگاهه ڪيو. ڳالهين ۾ تعليمي …
تعليم ۽ پيشيواراڻي تربيت واري مملڪتي وزير وجيهه قمر سان اسلامڪ ڪوآپريشن يوٿ فورم جي صدر جي ملاقات
مزید خبریں
اسلام آباد- 22 ڊسمبر (اي پي پي) وفاقي تعليم ۽ پيشيواراڻي تربيت واري مملڪتي وزير وجيهه قمر سان اسلامڪ ڪوآپريشن يوٿ فورم (آءِ سي واءِ ايف) جي صدر طحه ايهان ۽ ڊائريڪٽر جنرل يونس ملاقات ڪئي. ملاقات دوران آءِ سي واءِ ايف جي وفد، او آءِ سي ميمبر ملڪن ۾ تعليم، نوجوانن جي ترقي ۽ پيشيواراڻي تربيت جي شعبن ۾ فورم جي جاري قدمن کان آگاهه ڪيو. ڳالهين ۾ تعليمي نظام کي مضبوط بڻائڻ ۽ ٽارگٽڊ تربيتي پروگرامن ذريعي نوجوانن کي بااختيار بڻائڻ لاءِ آءِ سي واءِ ايف جي ڪاوشن کي اجاگر ڪيو ويو. ٻنهي ڌرين گڏيل دلچسپي جي شعبن ۾ امڪاني سهڪار جي موقعن تي غور ڪيو، جنهن ۾ خاص طور تي مهارت تي ٻڌل تربيتي قدمن تي ڌيان ڏنو ويو ته جئين نوجوانن جي روزگار جي قابل صلاحيتن ۽ سگهه ۾ اضافو ڪري سگهجي. وجيهه قمر نوجوانن تي ٻڌل تعليم ۽ تربيت جي حوالي سان آءِ سي واءِ ايف جي خدمتن کي ساراهيو ۽ عملي تعاون جا امڪان ڳولهڻ خاص ڪري قومي ترجيحن کان هم آهنگ مهارتن جي ترقي جي شعبي ۾ حڪومت جي دلچسپي جو اظهار ڪيو. ملاقات ۾ گڏيل رابطا جاري رکڻ، تعليم ۽ هنر تي ٻڌل تربيتي پروگرامن ۾ تعاون جي ٺوس شعبن جي نشاندهي لاءِ گڏيل ڪوششن جي عزم جو ورجاءُ ڪيو ويو.
