شهيد بينظير آباد-21 ڊسمبر (اي پي پي) خاتون اول آصفه ڀٽو زرداري شهيد بينظير آباد ۾ روڊن جي منصوبن جو افتتاح ڪري ڇڏيو آهي، خاتون اول سلطان موري ۽ ڪرنل موري ويجهو روڊن جي بحالي ۽ توسيعي منصوبن جو افتتاح ڪيو. خاتون اول مهراڻ هاءِ وي ٻانڌي کان سٺ ميل ۽ ڪرنل موري ۾ 3 چڪ روڊ جي بحالي منصوبن جو به افتتاح ڪيو. شهيد بينظير آباد ۾ روڊن جي …
خاتون اول آصفه ڀٽو زرداري پاران شهيد بينظير آباد ۾ شاهراهن جي مختلف منصوبن جو افتتاح
مزید خبریں
شهيد بينظير آباد-21 ڊسمبر (اي پي پي) خاتون اول آصفه ڀٽو زرداري شهيد بينظير آباد ۾ روڊن جي منصوبن جو افتتاح ڪري ڇڏيو آهي، خاتون اول سلطان موري ۽ ڪرنل موري ويجهو روڊن جي بحالي ۽ توسيعي منصوبن جو افتتاح ڪيو. خاتون اول مهراڻ هاءِ وي ٻانڌي کان سٺ ميل ۽ ڪرنل موري ۾ 3 چڪ روڊ جي بحالي منصوبن جو به افتتاح ڪيو. شهيد بينظير آباد ۾ روڊن جي بحالي ۽ توسيعي منصوبن جي حوالي سان ڳالهائيندي خاتون اول آصفه ڀٽو زرداري چيو ته انهن منصوبن جو مقصد علائقائي رابطا بهتر ڪرڻ ۽ مقامي آبادي جي آمدرفت کي آسان بڻائڻ آهي، مهراڻ هاءِ وي سان ڳنڍيل 27 ڪلوميٽر روڊ 738 ملين روپين جي لاڳت سان مڪمل ڪيو ويو. صوبائي ايگزيڪيٽو انجنيئر هاءِ وي شهيد بينظير آباد عاصم علي ابڙو خاتون اول کي منصوبن تي بريفنگ ڏني. بريفنگ دوران ڳالهائيندي آصفه ڀٽو زرداري چيو ته ٻهراڙي جي علائقن ۾ رابطا روڊن جي بهتري پيپلزپارٽي جي ترجيح آهي، شهيد بينظير ڀٽو جو ويزن پٺتي پيل ۽ ٻهراڙي جي علائقن کي ترقي جي مرڪزي ڌارا ۾ آڻڻ هو، روڊ نه رڳو سفر کي آسان بڻائين ٿا پر تعليم، صحت ۽ مقامي معاشي سرگرمين کي به هٿي ڏين ٿا، روڊ منصوبن سان 39 هزار ماڻهو فائدو کڻندا، آبادگارن کي مارڪيٽن تائين پهچ ۾ وڏي سهولت ملندي.
