اسلام آباد- 01 ڊسمبر (اي پي پي) خصوصي سيڙپڪاري سهولت ڪائونسل (ايس آءِ ايف سي) جي سهڪار سان پاڪستان جون کاڻيون کوٽڻ جي شعبي ۾ اهم اڳڀرائي ٿي آهي. تفصيل مطابق سي سي پي جي جاري ڪيل رپورٽ ۾ چيو ويو آهي ته ناياب معدنيات سان مالامال پاڪستان ۾ سون، چاندي، ٽامي، پلاٽينيم ۽ جيم اسٽون جا وسيع ذخيرا موجود آهن، ريڪوڊڪ منصوبي سان 37 سالن ۾ 74 ارب ڊالرن …
ريڪوڊڪ منصوبي سان ملڪي معدنيات جي صنعت ۾ انقلاب، چٽا ڀيٽي ڪميشن پاڪستان جي جامع رپورٽ جاري
اسلام آباد- 01 ڊسمبر (اي پي پي) خصوصي سيڙپڪاري سهولت ڪائونسل (ايس آءِ ايف سي) جي سهڪار سان پاڪستان جون کاڻيون کوٽڻ جي شعبي ۾ اهم اڳڀرائي ٿي آهي. تفصيل مطابق سي سي پي جي جاري ڪيل رپورٽ ۾ چيو ويو آهي ته ناياب معدنيات سان مالامال پاڪستان ۾ سون، چاندي، ٽامي، پلاٽينيم ۽ جيم اسٽون جا وسيع ذخيرا موجود آهن، ريڪوڊڪ منصوبي سان 37 سالن ۾ 74 ارب ڊالرن جي آمدني متوقع آهي، ريڪوڊڪ منصوبو شفاف ٽريس ايبلٽي ۽ ريفائننگ جي صلاحيت سبب سون جي سپلاءِ چين کي مستحڪم بڻائيندو. رپورٽ مطابق گولڊ اينڊ جيم اسٽون اٿارٽي جي قيام سان ڊجيٽل ٽريڪ اينڊ ٽريس ۽ گولڊ بئنڪنگ سسٽم جي شروعات غير دستاويزي واپار ۾ گهٽتائي جو سبب بڻجي سگهي ٿي. ايس آءِ ايف سي ۽ سي سي پي جي اثرائتن قدمن سان ريفائننگ ۽ زيورن جي صنعت کي هٿي ملندي ۽ مارڪيٽ ۾ شفافيت ۾ اضافو ممڪن هوندو. ريڪوڊڪ منصوبو بلوچستان ۾ هزارين نوڪريون ۽ نوان ڪاروباري موقعا فراهم ڪندو. ايس آءِ ايف سي پاڪستان ۾ کاڻيون کوٽڻ جي مختلف شعبن ۾ ترقي لاءِ پنهنجو انقلابي ڪردار ادا ڪري رهيو آهي.
