بين الپارلياماني اسپيڪرز ڪانفرنس ۾ شرڪت لاءِ بيلا روس جو پارلياماني ميمبر سرگئي ايلينڪ اسلام آباد ايئر پورٽ پهچي ويو

اسلام آباد -11 نومبر (اي پي پي )بين الپارلياماني اسپيڪرز ڪانفرنس ۾ شرڪت لاءِ بيلاروس جو پارلياماني ميمبر سرگئي ايلينڪ اسلام آباد ايئر پورٽ پهچي ويو. سينيٽ سيڪرٽريٽ مان جاري ڪيل بيان موجب سينيٽ آف پاڪستان جي اعليٰ عهديدارن پاران سندس شاندار استقبال ڪيو ويو. بين الپارلياماني اسپيڪرز ڪانفرنس سينيٽ چيئرمين سيد يوسف رضا گيلاني جي قائداڻين صلاحيتن جو نتيجو آهي.ڪانفرنس مختلف ملڪن جي پارليامينٽ ميمبرن کي ويجهو آڻڻ ۾ مددگار ثابت ٿيندي. ڪانفرنس سينيٽ چيئرمين سيد سيد يوسف  رضا گيلاني جي وسيع سوچ جو ثبوت آهي. ڪانفرنس 11 کان 12 نومبر 2025ع تائين اسلام آباد ۾ جاري رهندي.