انڪم ٽيڪس گوشوارا جمع ڪرائڻ جي آخري تاريخ ۾ 31 آڪٽوبر تائين واڌ

اسلام آباد-15 آڪٽوبر (اي پي پي) فيڊرل بورڊ آف روينيو (ايف بي آر) مالي سال 2025ع لاءِ انڪم ٽيڪس گوشوارا جمع ڪرائڻ جي آخري تاريخ ۾ 31 آڪٽوبر تائين واڌ ڪري ڇڏي آهي. اهو فيصلو انڪم ٽيڪس آرڊيننس 2001ع جي سيڪشن 214- اي تحت ڪيو ويو آهي. ايف بي آر طرفان ڪالهه جاري بيان موجب ايف بي آر انڪم ٽيڪس گوشوارا جمع ڪرائڻ جي تاريخ ۾ واڌ جو فيصلو مختلف واپاري تنظيمن ۽ ٽيڪس بار ايسوسيئيشنز طرفان ڪيل درخواستن جي بنياد تي ڪيو آهي.