اسلام آباد – 10 آڪٽوبر (اي پي پي) پاڪستان غزه ۾ جنگبندي جي معاهدي جي اعلان جي آجيان ڪندي چيو آهي ته هي وچ اوڀر ۾ پائيدار امن قائم ڪرڻ جو هڪ تاريخي موقعو آهي. پرڏيهي آفيس جي ترجمان شفقت علي خان پريس بريفنگ ۾ چيو ته اسان ڳالهه ٻولهه جي پوري عمل ۾ صدر ٽرمپ جي قيادت کي ساراهيون ٿا جيڪا عالمي امن جي لاءِ سندس اڻٿڪ عزم جي …
غزه ۾ جنگبندي جي معاهدي جو اعلان وچ اوڀر ۾ پائيدار امن قائم ڪرڻ جو هڪ تاريخي موقعو آهي: پاڪستان
مزید خبریں
اسلام آباد – 10 آڪٽوبر (اي پي پي) پاڪستان غزه ۾ جنگبندي جي معاهدي جي اعلان جي آجيان ڪندي چيو آهي ته هي وچ اوڀر ۾ پائيدار امن قائم ڪرڻ جو هڪ تاريخي موقعو آهي. پرڏيهي آفيس جي ترجمان شفقت علي خان پريس بريفنگ ۾ چيو ته اسان ڳالهه ٻولهه جي پوري عمل ۾ صدر ٽرمپ جي قيادت کي ساراهيون ٿا جيڪا عالمي امن جي لاءِ سندس اڻٿڪ عزم جي عڪاس آهي. هن چيو ته اسان قطر، مصر ۽ ترڪيه جي اڳواڻن جي ان معاهدي تي ڳالهه ٻولهه جي لاءِ اڻٿڪ ڪوششن جي ڪردار کي پڻ ساراهيو. ترجمان فلسطيني عوام جي واکاڻ ڪندي چيو ته انهن سخت نقصان کنيو آهي جنهن کي ڪڏهن به ورجائڻ نه گهرجي. پرڏيهي آفيس جي ترجمان چيو ته پاڪستان مسجد الاقصيٰ ۾ اشتعال انگيزي جي شديد مذمت ڪري ٿو. هن چيو ته دنيا کي قابضين ۽ غيرقانوني آبادڪارن جو گهيراءُ ڪرڻ گهرجي ۽ اهڙن وڌيڪ قدمن کي روڪڻ گهرجي جيڪي آمريڪي صدر ڊونلڊ ٽرمپ جي ڇڪتاڻ کي گهٽ ڪرڻ ۽ پائيدار امن جي راهه هموار ڪرڻ جي لاءِ ڪيل زبردست ڪوششن کي نقصان پهچائين ٿا.
