سال 2005ع جي زلزلي جي 20 سالن کانپوءِ به مانسهره ۾ 216 اسڪولن ۽ اسپتالن جون عمارتون تعمير نه ٿي سگهيون: سردار محمد يوسف

اسلام آباد-10 آڪٽوبر (اي پي پي) مذهبي معاملن ۽ بين المذاهب هم آهنگي واري وفاقي وزير سردار محمد يوسف چيو آهي ته آڪٽوبر 2005ع جي زلزلي جي 20 سالن کانپوءِ به مانسهره ۾ 216 اسڪولن ۽ اسپتالن جون عمارتون تعمير نه ٿي سگهيون. قومي اسيمبلي ۾ هن ٻڌايو ته خيبرپختونخوا ۾ تحريڪ انصاف جي ٽي حڪومت آهي پر اڃان تائين 216 اسڪولن ۽ اسپتالن جا منصوبا مڪمل نه ٿي سگهيا. هن چيو ته بالاڪوٽ ۾ ڪيترائي گهراڻا هاڻي به پناهگاهن ۾ ترسيل آهن. جيڪڏهن صوبائي حڪومت انهن منصوبن کي مڪمل ڪرڻ جي ذميواري ورتي هئي ته ان کي اها ذميواري پوري ڪرڻ گهرجي.