چين  2 نوان ٽيسٽ سيٽلائٽ خلا ۾ موڪلي ڇڏيا

بيجنگ _ 29 سيپٽمبر (اي پي پي) چين سيچوان صوبي جي شيشانگ سيٽلائٽ لانچ سينٽر مان 2 نوان ٽيسٽ سيٽلائيٽ خلا ۾ موڪلي ڇڏيا. پرڏيهي خابرو اداري مطابق اهي ٽيسٽ سيٽلائيٽ شي يان 30 نمبر 1 ۽ 2 بيجنگ جي وقت مطابق سومر جي صبح 11 وڳي لانگ مارچ 2 -ڊي ڪيريئر راڪيٽ ذريعي روانا ڪيا ويا، جيڪي مقرره مدار ۾ ڪاميابي سان داخل ٿي ويا آهن. اهي سيٽلائيٽ زمين جي مشاهدي جي ٽيڪنالاجيز جي تجرباتي توثيق لاءِ استعمال ڪيا ويندا. اهو لانچ لانگ مارچ سيريز جي ڪيريئر راڪيٽس جو 598 هون اڏام مشن هو.