ارومچي - 19 سيپٽمبر (اي پي پي) صدر آصف علي زرداري پاڪستان ۽ چيني ڪمپنين جي وچ ۾ ٽن مفاهمت جي يادداشتن (ايم او يوز) تي صحيحن واري تقريب ۾ شرڪت ڪئي. ايوان صدر جي پريس ونگ پاران جاري بيان موجب پهرين مفاهمت جي يادداشت لويانگ ماڊرن بائيو ٽيڪنالاجيز ۽ سنڌ حڪومت جي وچ ۾ طئي ٿي. صوبائي وزير ناصر شاهه سنڌ حڪومت جي نمائندگي ڪئي جنهن جو محور پاڪستان …
صدر آصف علي زرداري جي پاڪستان ۽ چيني ڪمپنين جي وچ ۾ ٽن مفاهمت جي يادداشتن تي صحيحن واري تقريب ۾ شرڪت
مزید خبریں
ارومچي – 19 سيپٽمبر (اي پي پي) صدر آصف علي زرداري پاڪستان ۽ چيني ڪمپنين جي وچ ۾ ٽن مفاهمت جي يادداشتن (ايم او يوز) تي صحيحن واري تقريب ۾ شرڪت ڪئي. ايوان صدر جي پريس ونگ پاران جاري بيان موجب پهرين مفاهمت جي يادداشت لويانگ ماڊرن بائيو ٽيڪنالاجيز ۽ سنڌ حڪومت جي وچ ۾ طئي ٿي. صوبائي وزير ناصر شاهه سنڌ حڪومت جي نمائندگي ڪئي جنهن جو محور پاڪستان جي لائيو اسٽاڪ صنعت کي جديد بڻائڻ آهي. ٻي مفاهمت جي يادداشت بيجنگ ايشين آفريقا لونگيو ۽ اي ايس ايم سروسز جي وچ ۾ طئي ٿي، جيڪا پاڪستان ۾ هڪ جديد ٽيڪسٽائيل انڊسٽريل پارڪ جي تشهير ۽ تعمير بابت آهي. ٽئين مفاهمت جي يادداشت سيچوان چوانڪسائوفائر ٽرڪس مينوفيڪچرنگ ڪمپني ۽ اي ايس ايم سروسز جي وچ ۾ طئي ٿي، جيڪا پاڪستان جي لاءِ فائر ٽرڪس ۽ جديد ايمرجنسي اوزارن جي فراهمي، ورڇ، وڪري ۽ وڪري کانپوءِ جي خدمتن ۾ تعاون جو فريم ورڪ طئي ڪري ٿي. تقريب کي خطاب ڪندي صدر آصف علي زرداري چيو ته اهي مفاهمت جون يادداشتون پاڪستان ۽ چين جي وچ ۾ انهن شعبن ۾ تعاون جا نوان دروازا کولينديون جيڪي سڌوسنئون پاڪستان جي معاشي ترقي ۽ عوامي ڀلائي جي لاءِ مددگار آهن. هن چيو ته لائيو اسٽاڪ انڊسٽري کي جديد بڻائڻ سان خوراڪ جي تحفظ ۾ بهتري ايندي ۽ ڳوٺاڻي علائقن ۾ روزگار جا موقعا پيدا ٿيندا، ٽيڪسٽائيل پارڪ سان صنعتي ترقي ۽ روانگي واپار کي هٿي ملندي، جڏهن ته فائر ٽرڪس ۽ ايمرجنسي اوزارن تي حصيداري سان پاڪستان جي آفتن جي ردعمل ۽ ڪميونٽيز جي تحفظ جي صلاحيت مضبوط ٿيندي. تقريب ۾ سينيٽر سليم مانڊوي والا، چين ۾ پاڪستان جو سفير ۽ پاڪستان ۾ چين جو سفير پڻ موجود هئا.
