پاڪ فوج جي عظيم سپوت ۽ سيپٽمبر جنگ جي ھيرو ميجر راجه عزيز ڀٽي شھيد جو شھادت جو ڏھاڙو 12 سيپٽمبر تي ملھايو ويندو

اسلام آباد – 11 سيپٽمبر (اي پي پي) بري فوج جي عظيم سپوت ۽ جنگ سيپٽمبر 1965ع جي ھيرو ميجر راجه عزيز ڀٽي شھيد (نشان حيدر) جو شھادت جو ڏھاڙو 12 سيپٽمبر جمعي ڏينھن ملھايو ويندو. ميجر راجه عزيز ڀٽي شھيد 12 سيپٽمبر 1965ع تي پاڪ ڀارت جنگ دوران لاھور محاذ تي مقابلو ڪندي شھادت جو جام نوش ڪيو. ھن کي پاڪستان جي ھٿياربند فوج جي سڀ کان وڏي اعزاز نشان حيدر سان به نوازيو ويو. ورسي جي موقعي تي شھيد جي آخري آرام گاھه تي گلن جون چادرون چاڙھيون وينديون ۽ فاتحه خواني ڪئي ويندي. ان موقعي تي مسجدن ۾ قرآن خوانين جو به انتظام ڪيو ويندو.