گڏيل عرب امارات جي ايمريٽس گروپ پاران هلندڙ سال 17 هزار ملازم ڀرتي ڪرڻ جو اعلان

دبئي-23 جولاءِ (اي پي پي) گڏيل عرب امارات جي ايمريٽس گروپ هلندڙ سال 17 هزار 300 ملازم ڀرتي ڪرڻ جو اعلان ڪيو آهي. هلندڙ مالي سال دوران 17 هزار 300 کان وڌيڪ ماڻهن کي ڀرتي ڪيو ويندو جيڪو هڪ وچولي درجي جي شهر جي آبادي جي برابر آهي. ايمريٽس ۽ دبئي نيشنل ايئر ٽرانسپورٽ ايسوسيئيشن (دناتا) سميت ٻين گرائونڊ سروسز جي شعبن ۾ ملازمتون ڏنيون وينديون. جن شعبن ۾ آساميون گهربل آهن انهن ۾ فلائٽ ڪرو، پائليٽس، انجينئرز، مارڪيٽنگ اينڊ سيلز گرائونڊ ڪنٽرولر، ڪيٽرنگ، آءِ ٽي اسپيشلسٽ، هيومن ريسورسز ۽ فنانس شامل آهن.