ڪراچي-15 جون (اي پي پي) سنڌ جي گورنر ڪامران خان ٽيسوري والد جي ڏينهن تي پنهنجي خاص پيغام ۾ چيو آهي ته والد جي شفقت ٻار جي زندگي ۾ سڀ کان قيمتي اثاثو آهي، والد جو ڪردار هڪ سٺي خاندان جي بنياد ۽ سماجي استحڪام جي ضمانت آهي. گورنر چيو ته اسان کي والدين جي دعائن، تربيت ۽ قربانين کي ڪڏهن به وسارڻ نه گهرجي. هن چيو ته والدين جو احترام ڪرڻ صرف هڪ اخلاقي ذميواري ناهي پر هڪ اهم فرض آهي. هن چيو ته اهو شعور نئين نسل ۾ پيدا ڪرڻ گهرجي.
