سنڌ جي گورنر ڪامران خان ٽيسوري جي سعودي سفير نواف بن سعيد المالڪي سان ملاقات

ڪراچي-23 مئي (اي پي پي)سنڌ جي گورنر ڪامران خان ٽيسوري اسلام آباد ۾ سعودي عرب جي سفارتخاني ۾ سعودي سفير نواف بن سعيد المالڪي سان ملاقات ڪئي. گورنر ھائوس مان جاري ڪيل پريس رليز موجب سعودي سفير ”آپريشن بنيان مرصوص“ جي ڪاميابي تي گورنر سنڌ کي خصوصي واڌايون ڏنيون. سعودي سفير پاڪستان جي امن ڪوششن کي واکاڻ جوڳو قرار ڏيندي مڪمل حمايت جي خاطري ڪرائي. گورنر سنڌ سعودي حڪومت پاران پاڪستان سان مسلسل سفارتي سھڪار ۽ حمايت تي ٿورن جو اظھار ڪيو.