اوٽاوا-25 فيبروري (اي پي پي) ڪينيڊا 76 روسي ماڻهن ۽ قانوني ادارن تي پابندي لاڳو ڪري ڇڏي آهي. پرڏيهي ميڊيا موجب وزيراعظم جسٽن ٽروڊو جي حوالي سان هڪ بيان ۾ چيو ويو آهي ته ڪينيڊا، روس خلاف پابندين جي فهرست ۾ 76 ماڻهن ۽ قانوني ادارن کي شامل ڪيو آهي. بيان ۾ چيو ويو آهي ته روس تي دٻاءُ وجهڻ لاءِ وزيراعظم ٽروڊو 76 ماڻهن ۽ ادارن کي نشانو بنائڻ وارين نئين پابندين جو اعلان ڪيو آهي. دستاويز ۾ چيو ويو آهي ته وزيراعظم اهو به اعلان ڪيو ته ڪينيڊا 109 جهازن جي منظوري ڏئي روس جي شيڊيول فلائيٽ خلاف ڪارروائي ڪري رهيو آهي، جنهن ۾ هائيڊرو ڪاربن سميت منظور ٿيل سامان جي منتقلي شامل آهي. ڪئنيڊين حڪومت جي ويب سائيٽ تي جاري ڪيل ٿيل هڪ دستاويز موجب پابندين جي فهرست ۾ خاص طور تي روس جي توانائي واري وزير سرگئي تسيوليوا، پرائمرسڪي ريجن جي گورنر اوليگ ڪوزيميڪو، روسي فيڊريشن جو نائب دفاع وارو وزير ۽ فادر لينڊ ڊيفنڊرز فائونڊيشن جي چيئر، روسي ڪمپني ايلي اسڪائينگ جي صدر فيڊر آءِ، گورنمنٽ فائونڊيشن جي صدر انا تسيليوا، التوعسڪن، ٽي وي صحافي ولاديمير پوزنر ۽ ٻيا شامل آهن.
