اسلام آباد – 15 فيبروري (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان بي نظير انڪم سپورٽ پروگرام جي چيئرپرسن روبينه خالد ملاقات ڪئي ۽ بي آءِ ايس پي جي ڪارڪردگي بابت آگاهه ڪيو. نائب وزيراعظم جي آفيس مان جاري بيان موجب روبينه خالد نائب وزيراعظم کي بي آءِ ايس پي جي ڪارڪردگي ۽ درپيش چئلينجز بابت آگاهه ڪيو. نائب وزيراعظم بي آءِ ايس پي جي سٺن ڪمن کي ساراهيو ۽ کيس مڪمل تعاون ۽ حمايت جي خاطري ڪرائي.
